پلانی مەشقی ساڵانەی هێزەکانی پێشمەرگە گفتوگۆ کرا
![](/media/16223/eac722bc-2fc6-4aba-a19a-0dc20cde525a.jpeg?anchor=center&mode=crop&width=1200&height=630&rnd=133117882320000000)
هەولێر، هەرێمی کوردستان (GOV.KRD)-ئەمڕۆ سێشەممە، ١ی تشرینی دووەمی ۲۰۲۲، لیوا روکن نەجمەدین عومەر، جێگری سەرۆکی ئەرکان بۆ مەشق و ئۆپەراسیۆنەکان، پێشوازی لە وەفدی راوێژکارانی هێزەکانی هاوپەیمانان بە سەرۆکایەتیی جەنەڕال سۆریا کرد.
لە کۆبوونەوەکەدا کە تایبەت بوو بە پلانی مەشقی ساڵانەی هێزەکانی پێشمەرگە بۆ ساڵی نوێی ٢٠٢٣ و دابینکردنی پێداویستییە لۆجستی و داراییەکانی مەشق گفتۆگۆی چڕی لەبارەوە کرا.
لە تەوەرەیەکی تری کۆبوونەوەکەدا هەنگاوەکانی پێکهێنانی دوو فیرقەی هێزەکانی پێشمەرگە و چۆنیەتیی رێکخستنی کاروبارەکانیان و دابینکردنی پێداویستییە لۆجیستیەکان گفتوگۆی پێویست و چڕی لەبارەوە کرا.
لەلایەن خۆیانەوە تیمی ڕاوێژکارانی هاوپەیمانان جەختیان لەسەر هاوکارییەکانیان بۆ هێزی پێشمەرگەی کوردستان کردەوە، ئەویش لە پێناو درووستکردنی هێزێکی یەکگرتووی نیشتیمانی.