لیژنەیەکی وەزارەتی پێشمەرگە لیوای ٢١ی سنووری ناحیەی گوێری بەسەرکردەوە
![](/media/15435/viber_image_2022-10-03_20-30-26-830-1400__2_.jpg?anchor=center&mode=crop&width=1200&height=630&rnd=133093393730000000)
هەولێر، هەرێمی کوردستان (GOV.KRD)-ئەمڕۆ دووشەممە، ٣ی تشرینی یەکەمی ٢٠٢٢، لیژنەیەکی تایبەت لە بەشی پشکنین و هەواڵگری و ئیدارەی ئەفسەرانی وەزارەتی پێشمەرگە، لیوای ۲۱ی وەزارەتی پێشمەرگەیان لە سنووری ناحیەی گوێری قەزای مەخموور بەسەرکردەوە.
لیژنەکە لەو سەردانەیاندا لە رەوشی سەنگەرەکانی پێشمەرگەیان کۆڵییەوە و گوێیان لە پێداویستی و داواکارییەکانیان گرت.
لەلایەن خۆشیانەوە فەرماندەی لیوای ٢١ و فەرماندەی فەوجی لیواکە، ئاماژەی بە ڕەوشی ئەمنیی سنوورەکە کرد و سوپاسی سەردانی لیژنەکەی وەزارەتی پێشمەرگەیان کرد، هاوکات پابەندبوونیان بە یاسا و رێسا سەربازییەکان دووپاتکردەوە.