شاندێکی باڵای وەزارەتی پێشمەرگە و وەزارەتی بەرگریی عێراق کۆدەبنەوە
![](/media/15432/e77cbbf1-a8ce-48bb-8b2b-be7ab0003462.jpeg?anchor=center&mode=crop&width=800&height=600&rnd=133093389540000000)
هەولێر، هەرێمی کوردستان (GOV.KRD)-ئەمڕۆ ۳ی ئۆکتۆبەری ۲۰۲۲، لیوا روکن نەجمەدین، جێگری سەرۆکی ئەرکان بۆ ئۆپەراسیۆنەکان، بەئامادەبوونی ئەمین سڕیی سەرۆکایەتیی ئەرکان و بەڕێوەبەری ئۆپەراسیۆنەکان و بەڕێوەبەری هەماهەنگی و پەیوەندییەکانی وەزارەتی پێشمەرگە، پێشوازی لە شاندێکی باڵای بەرگریی عێراق بە سەرۆکایەتیی فەریق روکن قەیس خەلەف، یاریدەدەری سەرۆکی ئەرکانی سوپا بۆ ئۆپەڕاسیۆنەکان کرد.
لە دیدارێکدا پەیوەندییەکانی ئێستای نێوان وەزارەتی بەرگری و وەزارەتی پێشمەرگە گفتوگۆی لەبارەوە کرا.
هەردوولا جەختیان لە پتەوکردنی زیاتری پەیوەندییەکان و فراوانکردنی هەمەلایەنەی هەماهەنگیی نێوان پێشمەرگە و سوپا کردەوە.
بڕیارە سبەی ٤ی ئۆکتۆبەر دەست بە کۆبوونەوە و دیدارەکان بکرێتەوە.