ئەمینداری گشتی لەگەڵ راوێژکاری باڵای سەربازیی بەریتانیا کۆبۆوە
هەولێر، هەرێمی کوردستان (GOV.KRD)-ئەمڕۆ ٢٠ی ئەیلوولی ۲۰۲۲، لیوا روکن بەختیار محەمەد سدیق ئەمینداری گشتی وەزارەتی پێشمەرگە، پێشوازی لە رۆب درایڤەر راوێژکاری باڵای سەربازی بەریتانیا کرد.
لە کۆبوونەوەکەدا به‌رده‌وامی و هه‌ماهه‌نگی و هاوكارییه‌كانی نێوان هه‌ردوولا دووپات کرایەوە، هەروەها جه‌ختیان كرده‌وه له‌سه‌ر كار و چالاكییه‌كانی وه‌زاره‌تی پێشمه‌رگه و به‌ره‌وپێشبردنی ئه‌ركه‌كان و باشتركردنی ژیان و گوزه‌رانی پێشمه‌رگه.
ئەمینداری گشتی سوپاسی ئه‌رك و ماندووبوونی راوێژکاری سەربازیی بەریتانیای كرد، كه رۆڵی به‌رده‌وام و كاریگه‌ریان له پێشخستنی تواناكانی پێشمه‌رگه و به‌ره‌وپێشبردنی پڕۆسه‌ی چاكسازی هه‌یه.
