لە بنکەی مەشقی پیادەی کەرکوک کۆتایی بە دوو خول هات
![](/media/14800/viber_image_2022-09-15_14-41-18-296-1.jpg?anchor=center&mode=crop&width=1200&height=630&rnd=133077281210000000)
هەولێر، هەرێمی کوردستان (GOV.KRD)-لە درێژەی مەشق و راهێنانەکانی هێزەکانی پێشمەرگە، بەپێی پلانی بەڕێوەبەرایەتیی مەشقی سەربازیی وەزارەتی پێشمەرگە، بەمەبەستی بەرزکردنەوەی ئاست و توانای پێشمەرگە، ئەمڕۆ پێنجشەممە ڕێکەوتی ١٥ی ئەیلوولی ٢٠٢٢، لە بنکەی مەشقی پیادەی کەرکوک کۆتایی بە خولی بنەڕەتیی سریەی کۆماندۆی لیوای ٥ی پیادە و سریەی ئەسنادی فەوجی ٣ی لیوای ١ی پیادە هات.
هەردووک خولەکە بۆماوەی شەش هەفتە بەردەوام بوون، لەخولی بنەڕەتیی سریەی کۆماندۆی لیوای ٥ی پیادە، ١٠٦ کارمەند بەشداریان کرد و لە خولی سریەی ئەسنادی فەوجی ٣ی لیوای ١ی پیادەش تەواوی سریەی ئەسنادی فەوجی ٣ بەشداربوون.
شایانی باسە، لە هەردووک خولەکەدا، بەشداربووان ئاشنا کران بە زانستی نوێی سەربازی و هونەری جەنگیی سەردەمیانە، هاوکات مەشق و ڕاهێنانی جەستەییان ئەنجام دا بۆ بەرزکردنەوەی توانا جەستەییەکانی بەشداربووان، هەروەها خولەکان لەلایەن ئەفسەران و مامۆستایانی بنکەی مەشقی پیادەی کەرکوکەوە ئەنجام دران.