ئەمینداری گشتی وەزارەتی پێشمەرگە پێشوازی بەرپرسی ئۆفیسی هەماهەنگی ئاسایشی هێزەکانی هاوپەیمان دەکات
![](/media/19201/e450fdbc-fa74-4485-9f92-bffccff8b7dc.jpeg?anchor=center&mode=crop&width=1200&height=630&rnd=133250243040000000)
هەولێر، هەرێمی کوردستان (GOV.KRD)-ئەمڕۆ ۳ی نیسانی ۲٠۲۳، لیوا روکن بەختیار محەمەد، ئەمینداری گشتی وەزارەتی کاروباری پێشمەرگە، پێشوازی لە کۆڵۆنێڵ سان بۆرن، بەرپرسی ئۆفیسی هەماهەنگی ئاسایشی هێزەکانی هاوپەیمان و شاندێکی یاوەریان کرد.
لە دیدارێکدا تیشکخرایە سەر پەیوەندی نێوان وەزارەتی پێشمەرگە و هێزەکانی هاوپەیمانان و باس لە هەماهەنگی زیاتر لەنێوان هەردوولاکرا.
هەر لەدیدارەکەدا گفتوگۆ لەبارەی پرسی دابینکردنی بودجەی وەزارەتی پێشمەگە کراو تەئکید لە جێبەجێکردن و تەواوکردنی هەموو ئەو بەرنامە و پڕۆگرامانە کرایەوە،کە وەزارەتی پێشمەرگە بۆ چاکسازی و رێکخستنەوەی هێزەکانی دایڕشتووە.