ئەمینداری گشتیی وەزارەتی پێشمەرگە سەردانی فرقەی دووی پیادەی کرد
ڕۆژى شەممە، ۱٥ی نیسانی ۲٠۲۳، لیوا ڕوکن بەختیار محەمەد سدیق، ئەمینداری گشتیی وەزارەتی پێشمەرگە، سەردانی بارەگای فرقەی دووی پیادەی وەزارەتی پێشمەرگەی کرد و لەلایەن فەرماندەی فرقەوە پێشوازی لێ کرا.
ئەمینداری گشتیی وەزارەتی پێشمەرگە لەو سەردانەیدا بەربانگی لەگەڵ فەرماندەی فرقە و فەرماندەی لیواکان و ئەفسەر و پێشمەرگەکان کردەوە و لە کاروباری فرقەکەی کۆڵییەوە.
هاوکات جەختی لە تەواوکردنی بەرنامەکانی وەزارەتی پێشمەرگە کردەوە، لەوانە چاکسازی و ڕێکخستنەوەی هێزەکانی پێشمەرگە و پابەندبوون بە پرەنسیپە سەربازییەکان.