جێگری سەرۆکی ئەرکان بۆ ئۆپەراسیۆنەکان پێشوازی لە بەرپرسی تیمی سەربازیی ئەڵمانیا کرد
![](/media/19294/05dc3e68-b26d-4594-8a02-d0e24d8ed7e1.jpeg?anchor=center&mode=crop&width=1200&height=630&rnd=133256703020000000)
ڕۆژى دووشەممە، ١٠ی نیسانی ٢٠٢٣، لیوا ڕوکن نەجمەدین عومەر، جێگری سەرۆکی ئەرکان بۆ ئۆپەراسیۆنەکان پێشوازی لە کۆڵۆنێڵ نیکوڵای، بەرپرسی تیمی سەربازیی ئەڵمانیا و مێجەر تۆم، ڕاوێژکاری سەربازیی ئەڵمانیا کرد.
لە دیدارەکەدا گفتوگۆ لەبارەی دوایین بەرەوپێشچوونەکان و هەنگاوەکانی پڕۆسەی چاکسازی لەناو هێزەکانی پێشمەرگە و پرسی ڕێکخستنەوەی یەکە جیاوازەکانی هێزی پێشمەرگە و میکانیزمی مەشق و ڕاهێنانەکان کرا.
تەوەرەیەکی تری کۆبوونەوەکە دووپاتکردنەوە بوو لەسەر بەردەوامیدان بە هاوکاری و هەماهەنگیی نێوان وەزارەتی پێشمەرگە و هێزەکانی هاوپەیمانان؛ جێگری سەرۆکی ئەرکان ڕۆڵی ڕاوێژکارانی سەربازیی سوپای ئەڵمانیا و هاوپەیمانانی بەرز نرخاند بۆ پێشکەشکردنی ڕاوێژ و پاڵپشتیکردنیان لە پلانی ستراتیژیی وەزارەت لە پڕۆژەیاسای چاکسازی بۆ ڕێکخستنەوەی هێزی پێشمەرگە و هاوکاری و هەماهەنگیی ڕاوێژکاران کە جێی بایەخ و هۆکاری سەرکەوتنی ئەم هەنگاوانەیە.