ئەمینداری گشتیی وەزارەتی پێشمەرگە پێشوازیی لە شاندێکی سەربازیی کونسوڵخانەی بەریتانیا کرد
![](/media/21589/ff56abf7-7af6-4e56-abb5-9cea3e1edcd9.jpeg?anchor=center&mode=crop&width=1200&height=630&rnd=133366407890000000)
ڕۆژی ١٥ی ئابی ٢٠٢٣، لیوا روکن بەختیار محەمەد سدیق، ئەمینداری گشتیی وەزارەتی پێشمەرگە، پێشوازیی کۆڵۆنێڵ تیم جێنگینز، ڕاوێژکاری بەرگریی شانشینی یەکگرتوو و بەرپرسی بەشی سەربازیی کونسوڵخانەی بەریتانیای کرد.
لە کۆبونەوەکەدا باس لە پەیوەندییەکانی وەزارەتی پێشمەرگە و هێزەکانی هاوپەیمانان بە تایبەتی هێزەکانی شانشینی بەریتانیا لە هەرێمی کوردستان کرا و جەخت لە هەماهەنگیی نێوانیان کرایەوە.
هەر لە کۆبوونەوەکەدا تیشک خرایە سەر پڕۆسەی چاکسازی و کاروباری پێشمەرگە و هەنگاوەکانی وەزارەت بۆ جێبەجێکردنی پلان و بەرنامەکان.