فیرقەکانی ١و٢ ی پیادە چەک و پێداویستیی نوێی سەربازییان وەرگرت
![](/media/21639/img_0216.jpeg?anchor=center&mode=crop&width=1200&height=630&rnd=133369910130000000)
لە بەردەوامیی ئەو کۆمەک و هاوکارییە لۆجستییانەی کە هاوپەیمانان پێشکەش بە هێزی پێشمەرگەی کوردستانی دەکەن، ڕۆژی ١٧ی ئابی ٢٠٢٣، لە ڕێوڕەسمێکی تایبەتدا لە بەڕێوبەرایەتیی میرەی گشتیی سەربازی، بە ئامادەبوونی عەقید فەرمان زراری، جێگری بەڕێوبەرایەتیی میرە و ئەفسەرانی وەزارەت، بەشێک لەو هاوکارییانەی هاوپەیمانان ڕادەستی فیرقەکانی ١و٢ ی پیادەی سەر بە وەزارەتی پێشمەرگە کران.
لەو ڕێوڕەسمەدا، جێگری بەڕێوبەرایەتیی میرەی گشتی، بەردەوامبوونی هاوکارییەکانی هاوپەیمانانی بۆ هێزی پێشمەرگە بەرز نرخاند و ئاماژەی بەوە دا "هاوپەیمانان لە سەرەتای دروستبوونی داعشدا، هاوکاریی هێزی پێشمەرگەی کوردستانیان کردووە، بە جۆرێک ئەو هاوکارییانە ڕۆڵێکی گرنگیان هەبووە لە تێکشکانی داعش و گرووپە تیرۆرستییەکان." هاوکات هیواشی خواست ئاستی هاوکاری و هەماهەنگییەکانی هاوپەیمانان بۆ هێزی پێشمەرگە زیاتر بکرێت و بچێتە قۆناغێکی باشتر.
ڕادەستکردنی ئەو هاوکارییانە بە پێی بەرنامە و پلانی سەرۆکایەتیی ئەرکان و بە سەرپەرشتیی جێگری سەرۆکی ئەرکان بۆ ئیدارە و میرە، ڕادەستی فیرقەکانی ١و٢ ی پیادەی سەر بە وەزارەتی پێشمەرگە کران.