ئەمینداری گشتیی وەزارەتی پێشمەرگە پێشوازیی لە شاندێکی هێزەکانی ئەمەریکا کرد
![](/media/21587/fce8fbec-fcc4-4008-8996-42c19530d7d1.jpeg?anchor=center&mode=crop&width=1200&height=630&rnd=133366402640000000)
ڕۆژی ١٥ی ئابی ٢٠٢٣، لیوا روکن بەختیار محەمەد سدیق، ئەمینداری گشتیی وەزارەتی پێشمەرگە، پێشوازیی لە کۆڵۆنێڵ مایک کاجازو، ڕاوێژکاری سەربازی لە ئۆفیسی هاوکاریی ئەمنیی ئەمەریکا لە هەرێمی کوردستان و عێراق و شاندێکی یاوەری کرد.
لەو کۆبوونەوەیەدا کە لیوا روکن نەجمەدین عومەر، جێگری سەرۆکی ئەرکان بۆ ئۆپەراسیۆنەکان ئامادەی بوو، باس لە پەیوەندییەکانی نێوان هەردوولا کرا و جەخت لە هەماهەنگیی نێوانیان کرایەوە.
هەر لە کۆبوونەوەکەدا هەڵسەنگاندنی مانگانە لەبارەی یاداشتی لێکتێگەیشتنی نێوان وەزارەتی پێشمەرگە و وەزارەتی بەرگریی ئەمەریکا کرا، کە لە ماوەی ڕابردوو لە نێوان هەردوولا ئیمزا کرابوو.