سیمینارێکی تایبەت لەسەر جێبەجێکردنی یاسای ژمارە ٢ ی چەک بەڕێوە چوو
![](/media/21599/34b273c6-caa8-47c6-9306-9812aeb15f91.jpeg?anchor=center&mode=crop&width=1200&height=630&rnd=133366456870000000)
ڕۆژی سێشەممە، ڕێکەوتی ١٥ی ئابی ٢٠٢٣، لە بەڕێوبەرایەتیی میرەی گشتیی سەربازیی سیمینارێکی تایبەت لە لایەن دادوەر کوردەوان نەقشبەندی، سەرۆکی دادگای سەربازیی یەک، لەسەر چۆنیەتیی جێبەجێکردنی یاسای چەک ژمارە ٢ ی ساڵی ٢٠٢٢ بەرکار لە هەرێمی کوردستان پێشکەش کرا.
لەو سمینارەدا، چۆنیەتیی ڕێکخستنەوە و تۆمارکردنی سەرجەم ئەو چەکانەی لە لایەن پێشمەرگە و پلەدار و ئەفسەران خۆیانەوە کڕدراون و بۆ ئەرکی سەربازیی خۆیان بەکاری دەهێنن، ڕێکارە یاساییەکانیان بۆ ڕوون کرایەوە.
لە بەشێکی دیکەی ئەو سیمینارەدا، سەرۆکی دادگای سەربازیی یەک و سەرپەرشتیاری جێبەجێکردنی یاسای چەک لەناو هێزی پێشمەرگەی کوردستان، بە ئامادەبوونی ڕاوێژکارانی یاسایی و ئەفسەرانی کارگێڕیی بەڕێوبەرایەتییە گشتییەکانی ناو دیوانی وەزارەت و ئەفسەرانی بەشی میرەی لیواکانی وەزارەتی پێشمەرگە، تەواوی سەرنج و تێبینییەکانی ئامادەبووان لە ژێر ڕۆشناییی یاسا و ڕێنماییەکان گفتوگۆی لەسەر کرا، هاوکات ئاماژە بەوە درا کە پێویستە لە ماوەیەکی دیاریکراودا، سەرجەم چەکی ئاگرین و هاوشێوەکانی تۆمار بکرێت و هیچ چەکێکی نایاسایی نەمێنێت.