سێ لیوای دیکەی یەکەی ٧٠ گواسترانەوە بۆ سەر میلاکی وەزارەتی پێشمەرگە
لە چوارچێوەی جێبەجێکردنی پڕۆژەی یاسای چاکسازی و یەکخستنەوەی هێزی پێشمەرگەی کوردستان، بە فەرمانی مەسرور بارزانی، سەرۆکی حکومەتی هەرێمی کوردستان، سێ لیوا لە فەرماندەیی یەکەی٧٠ گواسترانەوە سەر وەزارەتی کاروباری پێشمەرگە، کە بریتیین لە لیواکانی ٢٦، ٢٨ و ٣٠.
ئەم سێ لیوایە خراونەتە سەر میلاکی وەزارەتی کاروباری پێشمەرگە و لە ڕۆژی دەرچوونی فەرمانی گواسنتەوەیان، دەچێتە بواری جێبەجێکردنەوە.
پرۆسەی چاکسازیی و یەکخستنەوەی هێزەکانی پێشمەرگە لە چوارچێوەی وەزارەتی کاروباری پێشمەرگە، یەکێکە لە ئامانجە سەرەکییەکانی حکومەتی هەرێمی کوردستان و بەردەوام لەلایەن سەرۆکایەتیەکانی هەرێمی کوردستان و بەرپرسانی وەزارەتی کاروباری پێشمەرگەوە جەختی لەسەر دەکرێتەوە.