لە میرەی گشتیی سەربازی چەند خولێکی جۆراوجۆر بە کۆتا هات
ڕۆژی ١٧ی ئابی ٢٠٢٣، لە بەڕێوبەرایەتیی میرەی گشتیی سەربازیی سەر بە وەزارەتی پێشمەرگە، بە ئامادەبوونی عەقید فەرمان زراری، جێگری بەڕێوبەرایەتیی میرە و لۆریس، بەڕێوبەری مەشقەکانی کۆمپانیای ئەمینتومی ئەمەریکی، مەراسیمی کۆتاییهاتنی چەند خولێکی جۆراوجۆری وەک خولی چەکی (M240وM249)و خولی کۆگاکردنی چەک و تەقەنی بۆ لیواکانی (٢، ٢٢)ی پیادەی سەر بە وەزارەتی پێشمەرگە بەڕێوە چوو.
لەم خولانەدا ژمارەیەک پێشمەرگە بۆ ماوەی سێ هەفتە بە شێوەی پڕاکتیکی لە لایەن شارەزایان و ڕاهێنەرانی بەئەزموونی کۆمپانیای ئەمینتومی ئەمەریکی، مەشق و ڕاهێنانیان لەسەر جۆری چەکەکان و چۆنیەتیی کۆگاکردنی چەک و تەقەمەنی پێ کرا.