بریکاری وەزارەتی پێشمەرگە پێشوازیی لە کونسوڵی گشتیی تورکیا لە هەولێر کرد
![](/media/21019/9f8fa085-0e63-45d8-ba9f-44de588a5f2e.jpeg?anchor=center&mode=crop&width=1200&height=630&rnd=133338051650000000)
ڕۆژی ١٣ی تەممووزی ٢٠٢٣، عەبدولخالق بابیری، بریکاری وەزارەتی پێشمەرگە، بە ئامادەبوونی فەریق روکن عیسا عوزێر، سەرۆکی ئەرکانی وەزارەت، پێشوازیی لە محەمەد مەقلوت یاگوت، کونسوڵکاری گشتیی تورکیا لە هەولێر و شاندی یاوەری کرد.
لە دیدارێکدا، باس لە پەیوەندییەکانی نێوان هەردوولا کرا و جەختیان لە بەرەوپێشبردنی پەیوەندییەکانی نێوانیان کردەوە.
هەر لە دیدارەکەدا، تاووتوێی هاوکاری و هەماهەنگییەکانی نێوان هەردوو لا کرا و زیاترکردن و باشترکردنی هاوکاری و هەماهەنگییەکانی نێوانیان بە گرنگ زانرا. دواتر گفتوگۆیان لە بارەی بارودۆخی سنوورەکان و ناوچەکە کرد.