بریکاری وەزارەت پێشوازیی لە ڕاوێژکاری نوێی هێزەکانی ئەمریکا کرد
![](/media/21160/9f01b9f7-27b5-4da5-ac3f-fd4fa22dcd6a.jpeg?anchor=center&mode=crop&width=1200&height=630&rnd=133347497320000000)
ڕۆژی ٢٤ی تەمووزی ٢٠٢٣، عەبدولخالق بابیری، بریکاری وەزارەتی پێشمەرگە، لە دیوانی وەزارەت پێشوازیی لە کۆڵۆنێڵ میشێڵ گاچێرۆ، ڕاوێژکاری نوێی هێزەکانی ئەمریکا لە هەرێمی کوردستان و ئەنتۆنی سینۆت، ڕاوێژکاری وەزیری بەرگریی ئەمریکا و شاندێکی یاوەریی کرد.
لەو دیدارەدا، کە لیوا ڕوکن هۆشمەند حەیدەر، جێگری سەرۆکی ئەرکان بۆ ئیدارە و میرە ئامادەی بوو، بریکاری وەزارەتی پێشمەرگە، بەخێرهاتنی کۆڵۆنێڵ میشێڵی کرد و ئامادەییی وەزارەتی دەربڕی بۆ هاوکاری و هەماهەنگیی دوولایەنە بۆ سەرخستن و جێبەجێکردنی پڕۆژەیاسای چاکسازی لە ناو هێزی پێشمەرگەی کوردستاندا، هاوکات بریکاری وەزارەت ڕۆڵی ویلایەتە یەکگرتووەکان و ڕاوێژکارانی ئەمریکای لە هەرێمی کوردستان بەرز نرخاند لە هاوکاری و هەماهەنگیی بەردەوامیان لەگەڵ وەزارەتی پێشمەرگە.
کۆڵۆنێڵ میشێڵ، وێڕای خۆناساندنی وەک ڕاوێژکاری نوێی هێزەکانی ئەمریکا لە هەرێمی کوردستان، هاوکات سوپاسی بریکاری وەزارەتی پێشمەرگەی کرد و گوتی: ئامانجی ئێمە هاوکاریکردنی هێزی پێشمەرگەیە بۆ جێبەجێکردنی بەرنامە و پڕۆگرامی چاکسازی لە وەزارەت و یەکخستنەوەی هێزە جیاوازەکان بۆ سەر وەزارەتی پێشمەرگە.