جێگری بەڕێوبەری مەشقی سەربازی پێشوازیی لە جێگری فەرماندەی ئۆپەراسیۆنی هاوپەیمانان کرد
ڕۆژی ٢٠ی تەممووزی ٢٠٢٣، جەنەڕاڵ نیکولاند پیازێتی، جێگری فەرماندەی ئۆپەڕاسیۆنی هاوپەیمانان لە عێراق، سەردانی بەڕێوبەرایەتیی مەشقی سەربازیی کرد و لە لایەن عەمید ئەحمەد سادق، جێگری بەڕێوبەرایەتیی مەشقی سەربازی و عەمید نیزام، بەرپرسی خولە ناوخۆییەکان پێشوازیی لێ کرا.
سەردانەکە بۆ لە نزیکەوە ئاگاداربوون بوو لە چۆنیەتیی بەڕێوەچوونی خولەکانی شەڕی ناو شار و خولی نیشانەشکێنی کە تایبەت بە بەهێزکردنی تواناکانی پێشمەرگە لەم بوارانەدا، بە هاوبەشیی هاوپەیمانان و بنکەکانی مەشقی پیادە جێبەجێ دەکرێت.
