فەرماندەی فیرقەی یەکی پیادە پێشوازیی لە شاندێکی هێزەکانی هاوپەیمانان کرد
ڕۆژی ٢٦ی تەممووزی ٢٠٢٣، لیوا ڕوکن هۆگر سەلاحەدین، فەرماندەی فیرقەی یەکی پیادە، بە ئامادەبوونی جێگری فەرماندەی فیرقە، پێشوازیی کرد لە شاندێکی کونسوڵخانەی بەریتانیا، کە پێک هاتبوون لە کۆڵۆنێڵ تیم، ڕاوێژکاری سەربازیی کونسوڵخانەی بەریتانیا لە هەرێمی کوردستان و شاندی یاوەری.
لە دیدارێکدا، گفتوگۆ کرا لەبارەی پێویستیی هەبوونی یەکەی سەربازیی فیرقە بۆ بەهێزکردنی فەرماندەیی و کۆنتڕۆڵکردن لەناو هێزەکانی پێشمەرگەدا، هەروەها چۆنیەتیی بەرەوپێشبردنی کارەکانی فیرقە لە ڕووی مەیدانی و کاروباری کارگێڕی تاووتوێ کران.
لە کۆتاییی دیدارەکەشدا، شاندی میوان سەرجەم بەشەکانی فیرقەی یەکی پیادەیان بەسەر کردەوە.
