ئەمینداری گشتی وەزارەتی پێشمەرگە سەردانی بارەگای کۆمیتەی خاچی سووری نێودەوڵەتی دەکات
![](/media/20842/img_0918.jpeg?anchor=center&mode=crop&width=1200&height=630&rnd=133326843180000000)
رۆژی ٢٨ی حوزەیرانی٢٠٢٣، لیوا روکن بەختیار محەمەد سدیق، ئەمینداری گشتی وەزارەتی کاروباری پێشمەرگە، لە بارەگای سەرەکی کۆمیتەی خاچی سووری نێودەوڵەتی لە جنێف، بەشی FAS , هێزە سەربازی و دەزگا ئەمنییەکانی خاچی سووری بەسەرکردەوە، کە ئەندامەکانیان سەرکردە سەربازییەکانن و لە ئێستادا خۆبەخشانە کاری مرۆیی ئەنجامدەدەن.
لەو سەردانەیدا ئەمینداری گشتی وەزارەتی کاروباری پێشمەرگە، لەلایەن هەریەکە لە بەرپرسی بەشی هێزە سەربازی و دەزگا ئەمنییەکان لە ڕۆژهەڵاتی ناوەڕاست و بەرپرسی گشتی هەمان بەش پێشوازی لێکرا.
لەمیانی گفتوگۆگانیشدا باس لە چەند بابەتێکی تایبەت بە پرسی سەربازی و پەیوەندییەکانی نێوان وەزارەتی کاروباری پێشمەرگە و خاچی سووری نێودەوڵەتی کرا و هەماهەنگی و کاری زیاتری نێوان هەردوولا بە پێویست زانرا و جەختیش لە پابەندبوونی هێزی پێشمەرگەی کوردستان بەیاسا نێودەوڵەتییەکان بە تایبەت یاسایی ناکۆکی چەکداری لەکاتی ڕووبەڕووبوونەوەی چەکداری دا پێشێل نەکرێن کرایەوە.