گرووپی کاری سەنتەری ئۆپەراسیۆن کۆبوونەوەی ئاساییی خۆی ساز دا
ڕۆژی ١٧ی تەممووزی ٢٠٢٣، بە ئامادەبوونی لیوا ڕوکن یوسف مامک، بەڕێوبەری بنکەی ئۆپەڕاسیۆنی وەزارەتی پێشمەرگە، لیوا ڕوکن کارزان شەقڵاوەیی، بەڕێوبەری میلاکات و ژمارەیەک لە بەڕێوبەرانی گشتی وەزارەت و بەرپڕسی جوڵەکانی فیرقەی (١و٢)ی پیادە و نوینەری هێزەکانی هاوپەیمانان لە هەرێمی کوردستان، کۆبوونەوەیەک لەبارەی بەدواداچوونی گرووپی کاری سەنتەری ئۆپەراسیۆن بەڕێوە چوو.
لەو کۆبوونەوەیەدا، کارەکانی سەنتەری ئۆپەراسیۆنی وەزارەتی پێشمەرگە و بەرەوپێشچوونی کاروباری فیرقەکان و چۆنییەتیی ڕاییکردنی ئەرکەکانیان خرایە بەر باس، هاوکات تاووتوێی ئۆپەراسیۆنی وێنەیی لەسەر ئاستی فیرقەکان کرا، کە بڕیار وایە لە ئایندەیەکی نزیک ساز بکرێت.