لە فێرگەی مەشقی پڵنگەکانی زێرەڤانی کۆتایی بەچەند خولێکی جیاواز هات
بە سەرپەرشتی بەڕێوبەرایەتی مەشقی سەربازی وەزارەتی کاروباری پێشمەرگە، لە فێرگەی مەشقی پڵنگەکانی زێرەڤانی، بە ئامادەبوونی بەڕێوبەری فێرگە، ڕاوێژکارانی سەربازی هاوپەیمانان و ئەفسەرانی فێرگەی مەشق، ڕێوڕەسمی کۆتایی هاتنی چەند خولێکی جیاوازی مەشق و ڕاهینانەکانی هێزەکانی پێشمەرگە بەڕێوەچوو.
خولەکان بریتی بوون لە خولی شەڕی ناوشار، خولی دانانی بازگە، خولی چۆنییەتی خوێندنەوەی نەخشە، خولی فریاگوزاری سەرەتایی، کە تیایدا ژمارەیەک پێشمەرگەی لیوای سێی پیادەی وەزارەت و فەرماندەیی زێرەڤانی بەشداربوون.
لەم خولانەدا بەشداربووان بۆ ماوەی دوو هەفتە بە شێوەی زانستی و سەربازیی سەردەمیانە، مەشق و ڕاهێنانیان پێکرا و ئاشنا دەکرێن بەشێوازی شەڕی ناوشار و دانانی بازگەی کاتی و ئەنجام دانی فریاگوزاری سەرەتایی و چۆنیەتی خوێندنەوەی نەخشە.
