ئەمینداری گشتی وەزارەتی پێشمەرگە پێشوازی لە بەرپرسی بەشی سەربازی کونسوڵخانەی بەریتانیا لە هەرێمی کوردستان کرد
![](/media/19163/5a3a49a8-24a4-40ff-bebd-3b784d62dd75.jpeg?anchor=center&mode=crop&width=1200&height=630&rnd=133247348460000000)
هەولێر، هەرێمی کوردستان (GOV.KRD)-ڕۆژی ٣٠ی ئاداری ٢٠٢۳، لیوا روکن بەختیار محەمەد سدیق، ئەمینداری گشتی وەزارەتی کاروباری پێشمەرگە، پێشوازی لە کۆڵۆنێڵ تیم جێنگینز، بەرپرسی بەشی سەربازی لە کونسوڵخانەی بەریتانیا لە هەرێمی کوردستان و شاندێکی یاوەری کرد.
لەدیدارێکدا کە لیوا نەجمەدین عومەر، جێگری سەرۆکی ئەرکان بۆ ئۆپەڕاسیۆنەکان ئامادەیبوو، جەخت لە دۆستایەتی و پەیوەندی بەردەوام لە نێوان وڵاتانی هاوپەیمان و هێزەکانی پێشمەرگە کرایەوە.
لە دیدارەکەدا باس لە بەرنامە و کاری داهاتووی تیمی ڕاوێژکارانی سەربازی ئەو وڵاتە کرا، بۆ بەردەوامبوون لە هەماهەنگی کردن لەگەڵ هێزی پێشمەرگە بەتایبەتی، لەپرسی چاکسازی و راوێژپێدان بەهێزی پێشمەرگەی کوردستان.