ئەمینداری گشتیی وەزارەتی پێشمەرگە پێشوازیی لە جێگری فەرماندەی دەستەی ڕاوێژکاران کرد
![](/media/19459/viber_image_2023-05-01_16-08-47-285-1400.jpg?anchor=center&mode=crop&width=1200&height=630&rnd=133274880120000000)
ڕۆژی دووشەممە، ۱ی ئایاری ۲٠۲۳ لیوا ڕوکن بەختیار محەمەد سدیق، ئەمینداری گشتیی وەزارەتی پێشمەرگە، پێشوازیی لە جەنەڕاڵ پیتەرس، جێگری فەرماندەی دەستەی ڕاوێژکارانی هاوپەیمانان لە عێراق و سووریا و شاندێکی یاوەری کرد.
لەو دیدارەدا تیشک خرایە سەر پەیوەندیی نێوان وەزارەتی پێشمەرگە و هێزەکانی هاوپەیمانان و دووپات لە هەماهەنگیی نێوانیان کرایەوە.
هەروەها جەخت لە جێبەجێکردنی یاداشتنامەی لێکتێگەیشنی نێوان وەزارەتی پێشمەرگە و وەزارەتی بەرگریی ئەمەریکا کرایەوە کە پێشتر لەنێوان هەردوو لا ئیمزا کرابوو.
هاوکات گفتوگۆ لەبارەی تەواوکردنی هەموو ئەو پڕۆگرامانە کرا کە وەزارەتی پێشمەرگە لە بواری چاکسازی و ڕێکخستنەوەی هێزەکان و بوارەکانی تر دایڕشتووە.