جێگری سەرۆکی ئەرکان بۆ ئیدارە و میرە لەگەڵ بەرپڕسی ئیدارەی یەکە جیاوازەکانی وەزارەت کۆبوەوە
![](/media/20020/img_8150.jpeg?anchor=center&mode=crop&width=1200&height=630&rnd=133295242580000000)
رۆژی ٢٥ی ئایاری ٢٠٢٣، لیوا روکن هۆشمەند حەیدەر، جێگری سەرۆکی ئەرکان بۆ ئیدارەو میرە لە دیوانی وەزارەتی کاروباری پێشمەرگە، کۆبوونەوەیەکی بەرفراوانی لەگەڵ بەرپڕسانی ئیدارەی فرقەکان و یەکەکانی ناو دیوان و بەرپڕس و جێگری ئیدارەی لیواکانی پیادە و هێزەکانی پشیوانی(٢٫١) سەر بەوەزارەت ئەنجام دا.
لەو کۆبونەوەیەدا، باس لە چۆنیەتی راییکردنی کارو ئەرکە ئیدارییەکانی یەکە جیاوازەکانی هێزی پێشمەرگە و چۆنیەتی گەیاندنی داواکاری و نوسراوەکانیان بۆ دیوانی وەزارەتی پيشمەرگە کرا.
هاوکات جێگری سەرۆکی ئەرکان بەپێویستی زانی لەکاتی جێبەجێ کردنی ئەرکەکانیان و لەپێناو کەمکردنەوەی ڕۆتین و زوو ڕایکردنی ئیشوکارە کارگێڕییەکانی ئەفسەر و پێشمەرگە، ئیدارەی بەش و یەکەکان سوود لە تەکنەلۆجیا و پێشکەوتنەکانی گەیاندن وەربگرن.