سەرۆکی ئەرکان بنکەی مەشقی پیادەی دهۆکی بەسەر کردەوە
![](/media/19761/1b000da4-8464-4edb-8091-aa597561b8f9.jpeg?anchor=center&mode=crop&width=1200&height=630&rnd=133287784620000000)
ڕۆژى ١٦ی ئایاری ٢٠٢٣، فەریق روکن عیسا عوزێر، سەرۆکی ئەرکانی وەزارەتی پێشمەرگە، بە یاوەریی لیوا روکن هۆشمەند حەیدەر ڕەشید، جێگری سەرۆکی ئەرکان بۆ ئیدارە و میرە، سەردانی بنکەی مەشقی پیادەی دهۆکی کرد و لەلایەن فەرماندە و ئەفسەرانی بنکە پێشوازییان لێ کرا.
ئامانج لە سەردانەکەی سەرۆکی ئەرکان بۆ لە نزیکەوە ئاگاداربوون بوو لە چۆنیەتیی بەڕێوەچوونی خولەکان و شێوازی گوتنەوەی وانەکان، هاوکات لە نزیکەوە گفتوگۆی لەگەڵ ئەفسەر و مامۆستایان کرد بە ئامانجی پەرەپێدانی ئاستی سەربازی لەو بنکەیە لە کاتی بەڕێوەچوونی خولەکان.
سەرۆکی ئەرکانی وەزارەتی پێشمەرگە خۆشحاڵیی خۆی بە توانا و پابەندبوونی بنکەی مەشقی پیادەی دهۆک بە پرەنسیپی سەربازی لە مەشق و ڕاهێنانەکان پێشان دا؛ هەروەها ئامادەییی خۆی دەربڕی بۆ هاوکاریکردن و دابینکردنی هەموو پێداویستییەکی بنکە و فێرگەکانی مەشقی سەر بە وەزارەتی پێشمەرگە.