لە بنکەی مەشقی پیادەی سلێمانی خولی مەشقی فەوجی ٣ی لیوای ١١ی پیادە کۆتاییهات
هەولێر، هەرێمی کوردستان (GOV.KRD)-بەپێی پلان و بەرنامەی بەڕێوەبەرایەتی مەشقی سەربازی وەزارەتی پێشمەرگە و بە مەبەستی پەرەپێدان بە تواناکانی هێزەکانی پێشمەرگە، ئەمڕۆ ١٨ی ئایاری ٢٠٢٣، لە بنکەی مەشقی پیادەی سلێمانی کۆتایی بە خولێکی مەشقی بنەڕەتی هات.
لە خولەکەدا ئەفسەر و پێشمەرگەکانی فەوجی ٣ی لیوای ١١ی پیادە بەشداربوون و بۆ ماوەی شەش هەفتە بەردەوام بوو کە تیایدا بە شێوەیەکی زانستی سەربازی سەردمیانە و لەسەر تەکنیکی سەربازی نوێ مەشق و راهێنانیان پێدەکرێت.
