کۆبوونەوەی لیژنەی پلان و پڕۆگرامی دارایی و بودجەی وەزارەتی پێشمەرگە بەڕێوە چوو
ڕۆژى چوارشەممە،١٠ی ئایاری ۲٠۲۳، بە سەرپەرشتیی عەبدولخالق باپیری، بریکاری وەزارەتی پێشمەرگە و لیوا ڕوکن بەختیار محەمەد سدیق، ئەمینداری گشتیی وەزارەتی پێشمەرگە، کۆبوونەوەی لیژنەی پلان و پڕۆگرامی دارایی و بودجەی وەزارەتی پێشمەرگە بەڕێوە چوو.
لەو کۆبوونەوەیە کە نوێنەرانی هەریەکە لە ئەنجوومەنی وەزیران و وەزارەتی دارایی و ژمارەیەک لە فەرمانگە و بەڕێوەبەرایەتییە گشتییە سەربازییەکان و نوێنەری هاوپەیمانان و ڕاوێژکارانیان وەک ئەندامانی لیژنەکە ئامادەی بوون، گفتوگۆ لەبارەی بوجەی ساڵانەی وەزارەتی پێشمەرگە کرا.
هاوکات تیشک خرایە سەر شێوازی دابەشکردنی موچە بە شێوەی ئەلیکترۆنی و جێبەجێکردنی سیستمی بایۆمەتری، کە لە ماوەی ڕابردوودا کاری لەسەر کراوە.
