خولێکی تایبەت بە هۆشیاری لە بارەی ماددە هۆشبەرەکان لە وەزارەتی کاروباری پێشمەرگە بەڕێوەچوو
![](/media/23279/e863e3f5-983e-41f2-aacd-844f15535cbc.jpeg?anchor=center&mode=crop&width=1200&height=630&rnd=133433193880000000)
لەژێر ڕێنمایی بەڕێوەبەرایەتی گشتی راگەیاندن و ھۆشیاری نشتمانی وەزارەتی کاروباری پێشمەرگە، بە مەبەستی رووبەڕوو بوونەوەی ماددە ھۆشبەرەکان و بە ئامادەبوونی فەرماندەی لیوا، بەشی ڕاگەیاندن و ھۆشیاری لیوای ٥ی پیادە، خولێکی هۆشیاری بۆ ٤٨ ئەفسەر و پلەدار و پێشمەرگەی بارەگای لیوا و ھەرسێ فەوجەکەی سەر بە لیوای ٥ی پیادە کردەوە.
خولەکە بۆماوەی دوو رۆژ بەردەوام بوو، تیایدا مێژووی سەرهەڵدانی ماددە هۆشبەرکان و شێوازی تێکچوونی لایەنی دەرونی و کۆمەڵایەتی، لەکاتی بەکارهێنان و ئالودەبوون بەو ماددەیە و کاریگەرییە خراپەکان و لێکەوتەکانی ماددەکە بۆ بەشداربووان روونکرایەوە.
لە خولەکەدا یاساکانی بەرکار لەبارەی ماددە هۆشبەرەکان و سزاکانی بەکارھێنان و بازرگانی کردن بەو ماددانە بۆ بەشداربووان خرایەڕوو.