جێگری سەرۆکی ئەرکان بۆ ئۆپراسیۆنەکان پێشوازی لە شاندێکی هاوپەیمانان کرد
![](/media/23150/f65416cf-3e82-40e0-925c-87acdb2f8544.jpeg?anchor=center&mode=crop&width=1200&height=630&rnd=133427368790000000)
رۆژی چوارشەممە ٢٥ی تشرینی یەکەمی ٢٠٢٣، لیوا ڕوکن نەجمەین عومەر، جێگری سەرۆکی ئەرکان بۆ ئۆپراسیۆنەکان، پێشوازی لە شاندێکی هێزەکانی هاوپەیمانان بە سەرۆکایەتی کۆڵۆنێڵ لاوری کرد .
تەوەری سەرەکی کۆبوونەوەکەی نێوان جێگری سەرۆکی ئەرکان بۆ ئۆپراسیۆنەکان و شاندی هێزەکانی هاوپەیمانان گفتوگۆکردن بوو لەبارەی چەمکی ئۆپراسیۆن و مەشقی هێزەکانی پێشمەرگە.
لە بەشێکی تری گفتوگۆکاندا پلان و هەنگاوەکانی ئەنجامدانی مەشق کە لەچوارچێوەی پلانی ساڵانەدا بەرنامەی بۆ دانرا بوو گفتوگۆی لەبارەوە کرا و هێزەکانی هاوپەیمانان دووپاتیان کردەوە کە هاوکار و هەمانگی هێزی پێشمەرگەی کوردستان دەبن.
جێگری سەرۆکی ئەرکان هاوکاری هێزەکانی هاوپەیمانانی بەرزنرخاند و داوای کرد بۆ ساڵانی داهاتووش لە مەشق و ڕاهێنانەکانی پێشمەرگە و هەنگاوە هاوبەشەکان بۆ دروستکردنی هێزێکی تۆکمەی نیشتمانی بەردەوام بن.