سیمینارێکی تایبەت بە رووبەڕووبوونەوەی ماددەی هۆشبەر بەڕێوەچوو
رۆژی یەکشەممە ٢٢ی تشرینی یەکەمی ٢٠٢٣، لە بارەگای لیوای ۱۰ی پیادە، سمینارێک لەبارەی مەترسیەکان و بەرەنگاربوونەوەی ماددەی هۆشبەر بەڕێوەچوو.
سیمینارەکە، لەلایەن عەقید دڵشاد، بەرپرسی بەشی هۆشیاری نیشتمانی فرقەی ١ی پیادە بە هاوبەشی لەگەڵ بەشی هۆشیاری لیوای ۱۰ی پیادەوە پێشکەش کرا.
لە سیمینارەکەدا ژمارەیەک ئەفسەر و پێشمەرگەی بارەگای لیوا و هەرسێ فەوجەکە ئامادەبوون، تیایدا مەترسییەکانی ماددەی هۆشبەر روونکرایەوە و شێوازەکانی بەرەنگاربوونەوە و رێگری کردن لە بڵاوبوونەوەی ماددەکە خرایەڕوو.
