سەرۆکی ئەرکانی وەزارەت پێشوازی لە فەرماندەی هێزەکانی هاوپەیمانان لە هەرێمی کوردستان کرد
![](/media/22633/50a017f8-1437-4a4d-b7d4-1706b62392e1.jpeg?anchor=center&mode=crop&width=1200&height=630&rnd=133413037210000000)
رۆژی یەکشەممە ٨ی تشرینی یەکەمی ٢٠٢٣، فەریق روکن عیسا عوزێر، سەرۆکی ئەرکانی وەزارەتی کاروباری پێشمەرگە، پێشوازی لە کۆڵۆنێڵ ثرۆمان مەکێنزی، فەرماندەی هێزەکانی هاوپەیمانان لە هەرێمی کوردستان و شاندێکی یاوەری کرد.
لە کۆبوونەوەیەکدا، گفتوگۆ کرا لەبارەی پرۆسەی چاکسازی وەزارەتی کاروباری پێشمەرگە، لەژێر رۆشنایی رێککەوتننامەی لێکتێگەیشتنی نێوان وەزارەتی بەرگری ئەمریکا و وەزارەتی کاروباری پێشمەرگە.
هەر لە کۆبوونەوەکەدا هەردوولا جەختیان لە خێراترکردنی هەنگاوەکانی پرۆسەی چاکسازی وەزارەتی کاروباری پێشمەرگە کردەوە و بۆ ئەم مەبەستەش فەرماندەی هێزەکانی هاوپەیمانان لە هەرێمی کوردستان، پشتیوانی خۆی بۆ جێبەجێکردنی هەنگاوەکانی پرۆسەی چاکسازی لە وەزارەتی کاروباری پێشمەرگە دەربڕی.