سەرۆکی ئەرکانی وەزارەتی کاروباری پێشمەرگە لەگەڵ مایک گەچیرۆ کۆبووەوە
![](/media/23202/img_1271.jpeg?anchor=center&mode=crop&width=1200&height=630&rnd=133431634570000000)
رۆژی دووشەممە، ٣٠ی تشرینی یەکەمی ٢٠٢٣، فەریق روکن عیسا عوزێر، سەرۆکی ئەرکانی وەزارەتی کاروباری پێشمەرگە، پێشوازی لە مایک گەچیرۆ، بەرپرسی نووسینگەی ھاریکاری ئاسایشی کونسوڵخانەی گشتی ئەمریکا لە هەرێمی کوردستان و شاندێکی یاوەری کرد.
لە کۆبوونەوەکەدا، باس لە هاوکاری و هەماهەنگییەکانی هێزەکانی هاوپەیمانان بۆ هێزەکانی پێشمەرگە، لە ڕووی مەشق و راهێنان و لۆجستی و راوێژکارییەوە کرا.
هەر لە کۆبوونەوەکەدا گفتوگۆ، لەبارەی بەرە و پێشچوونەکانی پرۆسەی چاکسازی وەزارەتی کاروباری پێشمەرگە، لەبارەی یەکخستن و رێکخستنەوەی هێزەکانی پێشمەرگە کرا، بۆ ئەمەش هەردوولا جەختیان لە خێراترکردنی هەنگاوەکانی پرۆسەی چاکسازی وەزارەتی کاروباری پێشمەرگە کردەوە.
لەلایەن خۆیەوە، بەرپرسی نووسینگەی ھاریکاری ئاسایشی کونسوڵخانەی گشتی ئەمریکا لە هەرێمی کوردستان، پاڵپشتی و پشتیوانی خۆی بۆ جێبەجێکردنی هەنگاوەکانی پرۆسەکە پیشاندا.