سەرۆکی ئەرکان پێشوازی لە ڕاوێژکاری باڵای سەربازی هۆڵەندا لە هەرێمی کوردستان کرد
![](/media/22030/9b75d417-24df-4f94-87d0-9f6ebd714a73.jpeg?anchor=center&mode=crop&width=1200&height=630&rnd=133387985030000000)
ڕۆژی ٧ی ئەیلولی ٢٠٢٣, فەریق روکن عیسا عوزێر, سەرۆکی ئەرکانی وەزارەتی کاروباری پێشمەرگە ،لە دیوانی وەزارەت، پێشوازی لە کۆڵۆنێڵ کیس مارسێلیس، ڕاوێژکاری باڵای سەربازی هێزەکانی هۆڵەندا لە هەرێمی کوردستان و شاندێکی یاوەریکرد.
لە دیدارەکەدا، کە عەمید روکن محەمەد سەعید، بەڕێوبەری هەماهەنگی و پەیوەندییەکانی وەزارەت ئامادەی بوو، بابەتە هاوبەشەکانی نێوان وەزارەتی کاروباری پێشمەرگە و تیمی سەربازی وڵاتی هۆڵەندا لە هەرێم خرانە بەرباس و گفتوگۆیان لەبارەیەوە کرا.
پرسی چاكسازی لهوهزارهتی کاروباری پێشمهرگه و ههنگاوهكانی ئهو پڕۆسهیه و هاوكارییهكانی هاوپەیمانان بۆ هێزی پێشمهرگه بهشێكی تری گفتوگۆكانی ناو كۆبوونهوهكه بوون و ههردوولا بهگرنگییهوه لهو پڕۆسهیان رووانی.
لەکۆتایی دیدارەکەدا، دووپات لە بەردەوامیدان بە پەیوەندییەکانی نێوان وەزارەتی کاروباری پێشمەرگە و تیمی سەربازی هۆڵەندا و هێزەکانی هاوپەیمانی نێودەوڵەتی لە هەرێمی کوردستان و عێراق کرایەوە.
سەرۆکی ئەرکان خوازیاری پەرەپێدانی زیاتری پەیوەندییەکان بوو و ئامادەیی وەزارەتی نیشاندا لە هاوکاری و هەماهەنگی کردنی زیاتر لەگەڵ هاوپەیمانان بە ئامانجی پەرەپێدانی زیاتر بە پەیوەندییەکان لەسەرجەم سێکتەرەکاندا.