فەریق سیهاد بارزانی پێشوازی لە فەرماندەی هێزەکانی ئەڵمانیا لە هەرێمی کوردستان کرد
![](/media/26046/img_4087.jpeg?anchor=center&mode=crop&width=1200&height=630&rnd=133576011770000000)
ڕۆژی یەکشەممە ١٤ـی نیسانی ٢٠٢٤، کۆڵۆنێل وۆڵف ئەلیکساندەر هامپ ،دوای کۆتاییهاتنی ئەرکەکەی وەک فەرماندەی هێزەکانی ئەڵمانیا لە هەرێمی کوردستان، سەردانی هێزەکانی پشتیوانیی یەکی کرد و لەگەڵ فەریق سیهاد بارزانی کۆبووەوە.
فەریق سیهاد بارزانی، ڕۆڵی هێزەکانی ئەڵمانیا و هاوپەیمانانی لە هاوکاری و پشتیوانی بۆ هێزی پێشمەرگە بەرز نرخاند و هیوای خواست پەیوەندی و هاوکارییەکان بەردەوام بن.
کۆڵۆنێڵ وۆڵف ئەلیکساندەر هامپ، سوپاسی فەرماندەی هێزەکانی پشتیوانیی یەکی کرد بۆ ئەو هەماهەنگی و کارانەی لە ڕابردوو ئەنجامیان داوە.
هەروەها فەریق سیهاد بارزانی هیوای سەرکەوتنی بۆ لارس پێرسیکۆڤسکی خواست کە وەکوو فەرماندەی نوێی هێزەکانی ئەڵمانیا لە هەرێمی کوردستان دەست بەکار بوو.