بەڕێوەبەری چاکسازی پێشوازی لە تیمی ڕاوێژکاریی وڵاتی ئیتاڵیا کرد
![](/media/26088/img_4103.jpeg?anchor=center&mode=crop&width=1200&height=630&rnd=133577660410000000)
ڕۆژی سێشەممە ۱٦ی نیسانی ۲٠۲٤، لیوای ئەندازیار نەبەز سەلاح صدیق، بەڕێوەبەری چاکسازی، پێشوازی لە کۆڵۆنێڵ فرانسیسکۆ ئەنتۆنیۆ سیرافینی، فەرماندەی هێزەکانی ئیتاڵیا لە هەرێمی کوردستان، و کۆڵۆنێڵ ئیسێرکیتۆ ڕاوێژکاری سەربازیی ئەو وڵاتە لە هەولێر کرد.
لەمیانی کۆبوونەوەیەکدا، کە عمیدی ئەندازیار شاخەوان سەلام، بەڕێوبەری بەشی توێژینەوە و پەرەپێدانی پرۆژەکان ئامادەی بوو، بەڕێوەبەری چاکسازی، جەختی لە گرنگیی پاڵپشتیی وڵاتی ئیتاڵیا بۆ مەشقپێکردنی هێزی پێشمەرگە و هاوکارییە بەردەوامەکانی ئەو وڵاتە لە بواری مەشق و ڕاهێنان و پاڵپشتیی ڕاوێژکاری بۆ هێزی پێشمەرگە کردەوە، لە لایەن خۆیەوە کۆڵۆنێڵ فرانسیسکۆ، باسی لە تەرخانکردنی ڕاوێژکاری پێویست بۆ بەڕێوەبەرایەتیی چاکسازی کرد، بە مەبەستی پێشکەشکردنی ڕاوێژی پێویست بۆ ژمارەیەک پرۆژە و بەرنامەی چاکسازی لە وەزارەت، هەروەها پلانی وڵاتەکەی بۆ کردنەوەی خولی زمانی ئیتاڵی بۆ ئەفسەران و کارمەندانی وەزارەتی پێشمەرگە شانبەشانی گرووپی ڕاوێژکارانی سەربازیی فرەنەتەوەییی وڵاتانی هاوپەیمان دەربڕی.
شایەنی باسە، وڵاتی ئیتاڵیا هاوشێوەی وڵاتاتی ئەمەریکا، بەریتانیا، ئەڵمانیا و هۆڵەندا، ئەندامە لە گرووپی ڕاوێژکارانی سەربازیی فرەنەتەوەییی هاوپەیمانان ناسراو بە(MNAG)، لە کۆتاییی ساڵی ۲٠۲۳ـەوە پەیوەندی بەو گرووپەوە کردووە.