سەرۆکی ئەرکان بە مەبەستی جەژنە پیرۆزە سەردانی سەنگەرەکانی پێشمەرگەی کرد
![](/media/26028/img_4074.jpeg?anchor=center&mode=crop&width=1200&height=630&rnd=133575037510000000)
ڕۆژی هەینی ١٢ــی نیسانی ٢٠٢٤، کە هاوکاتە لەگەڵ سێیەم ڕۆژی جەژنی ڕەمەزانی پیرۆز، فەریق ڕوکن عیسا عوزێر، سەرۆکی ئەرکانی وەزارەتی پێشمەرگە و فەریق سیهاد بارزانی، فەرماندەی فەرماندەییی هێزەکانی پشتیوانیی یەک، لەگەڵ ژمارەیەک لە ئەفسەرانی باڵای وەزارەتی پێشمەرگە، بە مەبەستی جەژنە پیرۆزە، سەردانی بارەگای لیوای٧ـی پیادەی لە سۆران و سنوری ئەرکی فەرماندەییی هێزەکانی پشتیوانیی یەک لە سنوری حاجی ئۆمەران ــ چۆمان کرد و لە لایەن عمید فقێ محمد عادۆ، فەرماندەی لیوا و ئەفسەرانی هێزی پشتیوانیی یەک پێشوازییان لێ کرا.
لەم سەردانەدا، سەنگەر و بارەگاکانی هێزی پێشمەرگەیان بەسەر کردەوە و پیرۆزباییی جەژنی ڕەمەزانیان لە تەواوی ئەفسەر و پێشمەرگەکان کرد و هیوای ئەوەیان خواست کە ئەم جەژنەیان بە ئاسوودەیی کردبێت و لە هەمان کاتیشدا گفتوگۆیان لەبارەی پێداویستییە ئیدارییەکانی هێزی پێشمەرگە لەو سنورە کرد و بەڵێن درا کار لەسەر تەواوی ئەو پێداویستییانە بکرێت کە پێویستن بۆ باشتر بەڕێوەچوونی کارەکانی هێزی پێشمەرگە لە سنورەکەدا.