بریکاری وەزارەتی كاروبارى پێشمەرگە پێشوازی لە پاشکۆی سەربازيی بهريتانيا کرد
![](/media/28371/img_5705.jpeg?anchor=center&mode=crop&width=1200&height=630&rnd=133673173380000000)
ڕۆژى يهكشهممه ٤ی ئابی ٢٠٢٤، عبدالخالق بابیری، بریكاری وەزارەتی كاروبارى پێشمەرگە، لە دیوانی وەزارەت، پێشوازی لە جەنەڕاڵ گریم وێرماوس، پاشکۆی سەربازيی شانشینی یەکگرتوو لە عێراق و شاندێکی یاوەری کرد.
لەو دیدارەدا گفتوگۆ لهبارهى ڕەوشی ئەمنی و پەرەسەندنەکانی ئەم دواییەی ناوچەکە و پەیوەنديی دوولایەنە و رۆژەکانی بەریتانیا بۆ پاڵپشتی و ڕێکخستنەوەی پرۆسەی چاکسازيی هێزەکانی پێشمەرگە کرا، هەروەها تیشک خرایە سەر بەردەوامیدان بە پەیوەندییەکانی نێوان وەزارەتی كاروبارى پێشمەرگە و تیمی ڕاوێژکارانی سەربازيی بەریتانیا لە هەرێم، بۆ کارکردنی پێکەوەیی، لەپێناو نەهێشتنی هەڕەشەکانی تیرۆر و چەسپاندن و بەرقرارکردنی ئاسايشى ناوچەکە.
پاشکۆی سەربازيی شانشینی یەکگرتوو لە بەغدا ڕوونی كردهوه كه: پهیوهندییهكانی وڵاتهكهی لهگهڵ حكومهتی ههرێمی کوردستان، مێژوویەکی دێرینی هەیە و هیوای خواست بتوانن لە ئایيندەدا ڕۆڵی باشتر ببینن لە عێراق و پاڵپشتی و هەماهەنگيی وڵاتەکەشی بۆ وەزارەتی كاروبارى پێشمەرگە دووپات کردەوە.