فەرماندەی فیرقەی یەکی پیادە پێشوازی لە شاندێکی سەربازیی هاوپەیمانان کرد

ڕۆژی چوارشەممە ١٠ی کانوونی یەکەمی ٢٠٢٤، لیوا روکن هۆگر سەلاحەدین، فەرماندەی فیرقەی یەکی پیادە، پێشوازی لە کۆڵۆنێڵ مشیل کۆڤاسفیل، فەرماندەی لیوای سێی (SFAB)ی هێزەکانی هاوپەیمانان کرد.
لە کۆبوونەوەیەکدا، گفتوگۆ لەبارەی هاوکاری و هەماهەنگییەکانی نێوان هێزەکانی هاوپەیمانان و هێزەکانی پێشمەرگە کرا. هەروەها باس لە شێوازی بەڕێوەچوونی کاروبارە ئیداری و مەیدانییەکانی فیرقە کرا.
دواتر لە ڕێگەی داتاشۆوە لە سەرەتای دروستبوون و دەسبەکاربوونی فیرقەی یەکی پیادە تاکوو ئێستا سەرجەم کار و چالاکییەکانی فیرقەکە نمایش کران.
لە کۆتاییی دیدارەکەدا، فەرماندەی فیرقەی یەکی پیادە، لۆگۆی وەزارەتی پێشمەرگەی وەک دیاری پێشکەش بە کۆڵۆنێڵ مشیل کرد.