هاوپەیمانان گەشبینن بە ئەنجامی پرۆژەیاسای چاکسازیى وەزارەتی پێشمەرگە
![](/media/25234/img_3128.jpeg?anchor=center&mode=crop&width=1200&height=630&rnd=133527555520000000)
ڕۆژى ١٨ی شوباتی ٢٠٢٤، فەریق ڕوکن عیسا عوزێر، سەرۆکی ئەرکانی وەزارەتی پێشمەرگە، پێشوازی لە جەنەڕاڵ جۆول ڤاوڵ، فەرماندەی گشتيی هێزەکانی هاوپەیمانان لە عێراق و سوریا و شاندێکی یاوەری کرد.
لە دیدارێکدا، کە لیوا حافز محمد علی، ئەمین سڕی سەرۆکایەتيی ئەرکان ئامادەی بوو، یاداشتنامەی لێکتێگەیشتن لەنێوان وەزارەتی پێشمەرگە و وەزارەتی بەرگريی ئەمهریکا، پەیوەندییەکانی نێوان پێشمەرگە و وەزارەتی بەرگريی عێراق، برەودان بە زیاترکردنی هەماهەنگيی نێوان هێزی پێشمەرگە و هێزەکانی هاوپەیمانيی نێودەوڵەتی، هاوکات بەردەوامیدان بە پرۆسەی چاکسازی و باشترکردنی فەرماندەیی و کۆنترۆڵکردن لە ڕيزەکانی هێزی پێشمەرگەی کوردستان، تهوهره گرنگهكانى ديدارهكه بوون و گفتوگۆیان لهبارهوه کرا.
لە بهشێكى ديكهى ئەو دیدارەدا، دوايین پێشهاتەکانی عێراق و هەرێمی کوردستان خرایە بەر باس و هەردوولا تیشکیان خستە سەر گرنگيی هەبوونی پەیوەندی لەنێوان هێزی پێشمەرگە و هاوپەیمانيی نێودەوڵەتی بۆ لەناوبردنی هزری توندڕەويی داعش و گرووپە تیرۆريستیيەکان لە ناوچەکە، هاوکات فەرماندەی گشتيی هێزەکانی هاوپەیمانان، خۆشحاڵيی خۆی نیشان دا بە هەوڵ و هەنگاوەکانی وەزارەتی پێشمەرگە لە پرۆسەی چاکسازيی هێزەکان و ئاماژەی بەوە دا هاوپەیمانان گەشبینن بە ئەنجامی پرۆژەیاسای چاکسازی لە وەزارەتی پێشمەرگە.