وەزیری پێشمەرگە: دۆخی ئێستا زیاتر لە هەموو کات پێویستی بە هەماهەنگيی پێشمەرگە و بەرگريی عێراق ههيه
![](/media/25248/c727b647-3f62-4325-ae64-fd307be1eeac.jpeg?anchor=center&mode=crop&width=1200&height=630&rnd=133528435100000000)
ڕۆژى ۱۹ی ۲ی ۲۰۲٤، شۆڕش ئیسماعیل، وەزیری پێشمەرگه، پێشوازی لە کۆڵۆنێڵ پەیپەر، بەرپرسی ئۆفیسی ئاسایشی ئەمهریکا لە باڵێوزخانەی ئەمهریکا لە بەغدا و کۆلۆنێڵ مێشیل گاچێڕۆ، بەرپرسی ئۆفیسی هاریکاريی ئاسایشی ئەمهریکا لە کونسوڵخانەی ئەو وڵاتە لە هەولێر و شاندی یاوەرییان کرد.
لەکۆبوونەوەیەکدا، کە ڕاوێژکارانی باڵای سەربازيی وەزارەتی پێشمەرگە ئامادەی بوون، دۆخی عێراق و هەرێم و ناوچەکەیان تاوتوێ کرد.
کۆڵۆنێڵ پیپەر، جەختی له گرنگی و بایەخی سەقامگیری و ئاسایشی عێراق و هەرێم و ناوچهكه کردەوە.
وەزیری پێشمەرگە، دووپاتی کردەوە کە دۆخی ئێستا لە هەموو کات زیاتر پێویستی بە هەماهەنگيی پێشمەرگە و بەرگری عێراق و خۆڕێکخستنەوەی زیاتر هەیە، لەپێناو پاراستنی ئاسایش و ئاراميى ناوچەکە.
له کۆبوونەوەكهدا، بەگرنگییەوە باس لە بایەخی هاوکاری و هەماهەنگییە بەردەوامەکانی ئەمهریکا بۆ بەرگريی عێراق و وەزارەتی پێشمەرگە کرا.