سەرۆکی ئەرکان پێشوازی لە بەرپرسی ڕاوێژکارانی هاوپەیمانان لەعێراق کرد
![](/media/24746/37afbefd-a641-477a-9ceb-f88357193316.jpeg?anchor=center&mode=crop&width=1200&height=630&rnd=133502948510000000)
ڕۆژی پێنجشەممە ١٨ی کانوونی دووەمی ٢٠٢٤، فەریق روکن عیسا عوزێر، سەرۆکی ئەرکانی وەزارەتی پێشمەرگە لەدیوانی وەزارەت پێشوازی لە جەنەڕاڵ ئیکەر بەرپرسی تیمی ڕاوێژکارانی هاوپەیمانان لەعێراق و شاندێکی یاوەری کرد.
لەدیدارێکدا کە کۆڵۆنێڵ ثرۆمان مەکێنزی، فەرماندەی هێزەکانی هاوپەیمانان له هەرێمی کوردستان ئامادەی بوو، برەودان بەزیادرکردنی هەماهەنگی نێوان هێزی پێشمەرگە و هێزەکانی هاوپەیمانی نێودەوڵەتی، هاوکات بەردەوامیدان بەپڕۆسەی چاکسازی و باشترکردنی فەرماندەیی و کۆنترۆڵکردن لەڕیزەکانی هێزی پێشمەرگەی کوردستان خرایە بەرباس.
هەر لەو دیدارەدا، دواین پێشهاتەکانی عێراق و هەرێمی کوردستان خرایە بەرباس و هەردوولا بەگرنگیەوە تیشکیان خستە سەر پەیوەندییەکانی نێوان هێزی پێشمەرگە و هاوپەیمانی نێودەوڵەتی بۆ بەئەنجام گەیاندنی بەرنامە و پلان هاوبەش بۆ بەڕەو پێشبردنی زیاتری پرۆژە یاسای چاکسازی کە ئامانج لێی بنیادنان و پێکهێنانی سوپایەکی یەکگرتووە بۆ ئایندەی کوردستان.
لەکۆتایی ئەو دیدارەدا، جەنەڕاڵ ئیکەر خۆشحاڵی خۆی نیشاندا بە هەوڵ و هەنگاوەکانی وەزارەتی پێشمەرگە لەپڕۆسەی چاکسازی هێزەکان و ئاماژەی بەوەدا هاوپەیمانان گەشبینین بە ئەنجامی پڕۆژە یاسای چاکسازی لەوەزارەتی پێشمەرگە و هاوپەیمانی نێودەوڵەتی و بە ئەرێنی پێشکەوتنەکانی هێزی پێشمەرگە هەڵدەسەنگێنن و هیوایان خواست وەزارەتی پێشمەرگە لە هەنگاوەکانی بەردەوام بێت و لەم ڕوەشەوە هەماهەنگیەکانیان لەگەڵ هێزی پێشمەرگە و هەرێمی کوردستان بەردەوامی پێدەدەن.