شاندێکی ڕاوێژکارانی وەزارەتی پێشمەرگە و هاوپەیمانان سەردانی بەڕێوەبەرایەتی چاکسازییان کرد
ڕۆژی دووشەممە ۲۲ی کانوونی دووەمی ۲٠۲٤، ڕاوێژکاری باڵای وەزارەتی پێشمەرگە و ڕاوێژکارانی وەزیری پێشمەرگە و ڕاوێژکاری سەربازی وڵاتی هۆڵندا بۆ وەزارەتی پێشمەرگە، سەردانی بەڕێوەبەرایەتی چاکسازییان کرد، و لەلایەن بەڕێوەبەری چاکسازی و ئەفسەرانەوە پێشوازیان لێکرا.
لە کۆبونەوەیەکدا بەرێوەبەری چاکسازی دوایین بەرەو پێشچوونەکانی پرۆسەی ریفۆرمی وەزارەتیان خستە ڕوو، هاوکات تیشکخرایە سەر بەربەست و ئاستەنگەکان کە ڕوو بەڕووی پرۆسەکە دەبنەوە.
لە لایەن خۆیانەوە ڕاوێژکارانی وەزارەتی پێشمەرگە پاڵپشتی و هەماهەنگی خۆیان نیشاندا بۆ پتەوکردنی پڕۆژەکانی چاکسازی وەزارەت و ئەو تیمانەی بەردەوامن لە کارەکانیان و هەروەها بەدواداچوونی پێویست لەداهاتوودا لەگەڵ لایەنی پەیوەندیدار بکرێت.
