وەزارەتی پێشمەرگە بە هەماهەنگی لەگەڵ زانکۆی دهۆک و بە هاوکاری لەگەڵ کونسوڵخانەی ئەمریکا خولێکی زمانی ئینگلیزی بەڕێوەدەبات
![](/media/24634/img_2622.jpeg?anchor=center&mode=crop&width=1200&height=630&rnd=133497748310000000)
ڕۆژی یەکشەممە ١٤ی کانوونی دووەمی ٢٠٢٤، بە ئامادەبوونی لیوای ئەندازیار نەبەز سلاح، بەڕێوەبەری چاکسازی، بە نوێنەرایەتی سەرۆکی ئەرکان د. لقمان هادی، یاریدەدەری سەرۆکی زانکۆی دهۆک بۆ کاروباری زانستی و خوێندنی باڵا، ڕێڤینگ مزوری، نوێنەری کونسوڵخانەی گشتی ئەمریکا لە هەرێمی کوردستان، زاک بازی نوێنەری ڕێکخراوی سپێرت ئۆفی ئەمریکی، ژمارەیەک لە ئەفسەرانی وەزارەتی پێشمەرگە و مامۆستایانی زانکۆی دهۆک، مەراسیمی کردنەوەی خولی زمانی ئینگلیزی بۆ ژمارەیەک لە ئەفسەر و کارمەندی وەزارەتی پێشمەرگە لە سنوری پارێزگای دهۆک بەڕێوەچوو.
لەمبارەیەوە لیوای ئەندازیار نەبەز سەلاح، بەڕێوەبەری چاکسازی پیرۆزبایی لە ئەفسەران و پێشمەرگەی بەشداربووی خولەکە کرد و هیوای سەرکەوتنی بۆ خواستن وسوپاسی زانکۆی دهۆک ورێکخراوی سپێرت ئۆف و کونسوڵخانەی گشتی وڵاتی ئەمریکای بۆ هەوڵە بەردەوامەکانیان بۆ ڕێکخستنی ئەو خولە کرد، و هیوای خواست کە ئەم جۆرە خولانە بەردەوام بن بۆ ئەوەی پێشمەرگە و ئەفسەرانی وەزارەت سوودمەند بن لێی.
خولەکە لە چوار چێوەی پرۆسەی ریفۆرمی وەزارەتی پێشمەرگە لە زانکۆی دهۆک بەرێوەدەچێت و ماوەی چوار مانگ دەخاینێت و و بەدواداچوونی پێویستی لە لایەن وەزارەتی پێشمەرگە و بەشی تەکنەلۆجیا و زمانەکان بۆ دەکرێت.