سەرۆکی ئەرکان پێشوازی لە بەرپرسی نوسینگەی هاریکاريی ئاسایشی ئەمه‌ریکا لە هەولێر كرد
ڕۆژی سێشه‌ممه ٢ی تەمووزی ٢٠٢٤، فەریق روکن عیسا عوزێر، سەرۆکی ئەرکانی وەزارەتی پێشمەرگە، پێشوازی لە کۆڵۆنێڵ مایکڵ گاچێرۆ، بەرپرسی نوسینگەی هاریکاريی ئاسایش لە کونسولخانەی ئەمه‌ریکا كرد.
لە دیدارێکدا کۆڵۆنێڵ گاچێرۆ کۆتاییهاتنى ئەرکەکەی خۆی، وەک بەرپرسی نوسینگەی هاریکاريی ئاسایشی ئەمه‌ریکا لە هەرێمی کوردستان ڕاگەیاند، هەروەها کۆڵۆنێڵ گیڤن رایس ــی وەک جێگرەوەی خۆی لەو پۆستەدا بە سەرۆکی ئەرکان ناساند.
دواتر سەرۆکی ئەرکان وەک ڕێزێک بۆ بەجێگەیاندنی ئەرک و ماندووبوونەکانی، خه‌لاتى ڕێزلێنانى به کۆڵۆنێڵ مایکڵ گاچێرۆ به‌خشى.