سەرۆکی ئەرکان پێشوازی لە دەرچووانی کۆلێژی ئەرکان کرد

ڕۆژی چوارشەممە ١٧ی تەممووزی ٢٠٢٤، فەریق روکن عیسا عوزێر، سەرۆکی ئەرکانی وەزارەتی کاروباری پێشمەرگە، پێشوازی لە دەرچووانی خولی ٨٣ی کۆلێژی ئەرکانی بەغدا و خولی ٨ی کۆلێژی ئەرکانی سەر بە وەزارەتی پێشمەرگە کرد.
لە دیدارەکەدا سەرۆکی ئەرکان پیرۆزبایی لە ئەفسەرانی دەرچوو لە هەردوو کۆلێژەکە کرد و هیوای سەرکەوتنی بۆ خواستن، هەروەها بە گرنگ و پێویستی زانی ئەفسەرانی پێشمەرگە ئەم قۆناغەی خوێندنی سەربازی تەواو بکەن. شایانی باسە، ئەو ئەفسەرانەی کۆلێژی ئەرکان تەواو دەکەن دەبنە هەڵگری بڕوانامەی ماستەر لە زانستی سەربازیدا.