سەرۆکی ئەرکانى وهزارهتى كاروبارى پێشمهرگه پێشوازی لە فەرماندەی هێزەکانی ئەڵمانیا کرد
![](/media/27395/a3b6fb23-f620-4c80-a76a-c3aeaef20916.jpeg?anchor=center&mode=crop&width=1200&height=630&rnd=133624808200000000)
ڕۆژی يهكشهممه ٩ی حوزهیرانی ٢٠٢٤، فەریق روکن عیسا عوزێر، سەرۆکی ئەرکانی وەزارەتی پێشمەرگە، لە دیوانی وەزارەت، پێشوازی لە کۆڵۆنێڵ لارس پێرسیکۆڤسکی، فەرماندەی هێزەکانی ئەڵمانیا لە هەرێمی کوردستان و شاندێکی یاوەری کرد.
لەو دیدارەدا، کە لیوا روکن محهمهد سهعید، بەڕێوهبەری هەماهەنگی و پەیوەندییەکانی وەزارەت ئامادەی بوو، تاووتوێی پرۆژە و پلانی نوێی وڵاتی ئەڵمانیا بۆ هێزی پێشمەرگەی کوردستان کرا، هاوکات گفتوگۆ لهبارەی ئامادەکارییەکانی وڵاتی ئەڵمانیا و خستنەڕووی پلانی نوێی هاوکاری و ههماهەنگیيەکانی تیمی ڕاوێژکارانی ئەو وڵاتە بۆ وەزارەتی پێشمەرگە کرا.
سەرۆکی ئەرکان لەگەڵ دەربڕینی سوپاس و پێزانینی وەزارەتی پێشمەرگە بۆ پشتگیريی هاوپەیمانان و تیمی سەربازيی وڵاتی ئەڵمانیا بۆ هێزی پێشمەرگەی کوردستان، دووپاتی کردەوە: گرنگیدانی زیاتر بە بوارە جیاوازەکان بۆ ڕێکخستنی هێزی پێشمەرگە لە چوارچێوەی پرۆگرامی چاکسازی، کاری لەپێشینەی وەزارەتی پێشمەرگەیە و بەردەوامیش دەبێت لەم ئەرکە پیرۆزەدا، بۆ ئەمەش چاوەڕوانی زیاترمان له هەماهەنگیيەکانی دۆستانمان لە هاوپەیمانیی نێودەوڵەتی هەیە.