پشکنینی تاقیکاری بۆ لیواکانی پیادە کرا
بەڕێوەبەرایەتیی پشکنینی گشتیی (المفتشية العامة)ی وەزارەتی پێشمەرگە، بەردەوامە لە ئەنجامدانی پرۆسەی پشکنین، بۆ سەرجەم یەکە سەربازییەکانی وەزارەتی پێشمەرگە، بۆ ئەم مەبەستەش لە ڕۆژانی ٢ تا ٥ی حوزەیرانی ٢٠٢٤، بەڕێوەبەرایەتیی پشکنینی گشتی، بە سەرپەرشتیی عەمید روکن فەرهاد محەمەد و ئەندامییەتی ژمارەیەک ئەفسەری پشکنەر، لە چەند بەشێکی جیاواز، پشکنینی تاقیکارییان بۆ لیواکانی ٩ و ١٧ی پیادەی وەزارەتی پێشمەرگە ئەنجام دا.
شایانی باسە پێشتر هەردووک لیواکە پشکنینی فێرکارییان بۆ ئەنجام درابوو، تیایدا ڕێکار و ڕێنماییی نوێیان بە تەواوی بەشەکانی لیواکان دابوو، ئەم پشکنینە تاقیکارییەش، هەڵسەنگاندنە بۆ لیواکانی پیادە، تاکوو ئاستی جێبەجێکردنی ڕێکار و ڕێنماییەکان لەلایەن بەشەکانی لیواکانەوە دیاری بکرێت.
