پشکنینی تاقیکاری بۆ لیوای ٢ی پیادە ئەنجام درا
بەڕێوەبەرایەتيی پشکنینی گشتی (المفتشية العامة)ی وەزارەتی پێشمەرگە، ساڵانە پرۆسەی پشکنین بۆ سەرجەم یەکە سەربازییەکانی وەزارەتی پێشمەرگە ده‌كات، بۆ ئەم مەبەستەش لە ڕۆژانی ٣ و ٤ی ئاداری ٢٠٢٤، لیژنەیەک لە بەڕێوەبەرایەتيی پشکنینی گشتی، پشکنینی تاقیکارییان بۆ لیوای ٢ی پیادەی وەزارەتی پێشمەرگە كرد.
لیژنەکە بە سەرپەرشتيی عەمید ڕوکن، فەرهاد محمود، و ئەندامييه‌تى ژمارەیەک ئەفسەری پشکنەر، لە چەند بەشێکی جیاواز بوو، پێشووتر پشکنینی فێرکاریيان بۆ تەواوی بەشەکانی لیواکە ئەنجام دابوو، کە تیایدا ڕێکار و ڕێنمایی نوێیان بە تەواوی بەشەکانی لیواکە دابوو، ئەم پشکنینە تاقیکارییەش، وەک هەڵسەنگاندنێک بۆ لیواکە ئەنجام درا، بۆ ئەوەی بزانرێت ئاستی جێبەجێکردنی ڕێکار و ڕێنماییەکان لەلایەن بەشەکانی لیواکە تا چەند جێبەجێ کراوە.
