جێگری بەڕێوەبەری چاکسازی لەگەڵ ڕاوێژکارانی سەربازیی وڵاتی ئەڵمانیا کۆبووەوە
![](/media/26834/5b221491-ff2e-4041-904b-c64b02aa52fa.jpeg?anchor=center&mode=crop&width=1200&height=630&rnd=133607952460000000)
ڕۆژی سێشەممە ۲۱ی ئایاری ۲٠۲٤، عمید جەوهەر صالح ئەحمەد، جێگری بەرێوەبەری چاکسازی، پێشوازی لە مەیجەر ئەندریاس، ڕاوێژکاری سەربازیی وڵاتی ئەڵمانیا لە هەرێمی کوردستان و تیمێکی یاوەری کرد.
لەمیانی کۆبوونەوەیەک کە عمیدی ئەندازیار شاخەوان سەلام، بەڕێوەبەری بەشی توێژینەوە و پەرەپێدانی پرۆژەکانی چاکسازی ئامادەی بوو، دوایین بەرەوپێشچوونەکانی پرۆسەی ڕیفۆرمی وەزارەت خرایە بەر باس، هەروەها پرۆژەی پەروەردەی سەربازیی پێشکەوتوو، گفتوگۆی لەسەر کرا و پوختەیەکی پرۆژەکە پێشکەش کرا، پاشان بۆچوون و پێشنیاری ڕاوێژکارانی وڵاتی ئەڵمانیا تایبەت بەو پرۆژەیە بەهەند وەرگیرا.
لە کۆتاییی کۆبوونەوەکە، مەیجەر ئەندریاس خۆشحاڵیی خۆی بۆ بەرەوپێشچوونی پرۆسەی ڕیفۆرمی وەزارەت دەربڕی و ئامادەییی وڵاتەکەیان خستە ڕوو بۆ پاڵپشتی و پێدانی ڕاوێژی پێویست بۆ پرۆژەکانی چاکسازی.