سەرۆکی ئەرکان پێشوازی لە بەرپرسی نووسینگەی هاریکاريی ئاسایش لە کونسولخانەی گشتيی ئەمهریکا کرد
![](/media/26454/img_4335.jpeg?anchor=center&mode=crop&width=1200&height=630&rnd=133595789400000000)
ڕۆژى سێشهممه ٧ــی ئایاری ٢٠٢٤، فەریق روکن عیسا عوزێر، سەرۆکی ئەرکانی وەزارەتی پێشمەرگە، پێشوازی لە کۆڵۆنێڵ مایکل گاچێرۆ، بەرپرسی نووسینگەی هاریکاريی ئاسایش لە کونسولخانەی گشتيی ئەمهریکا لە هەولێر و شاندێکی یاوەری کرد.
لە دیدارێکدا کە لیوا کازم لەزگین، بەڕێوەبەری گەیاندن و لیوا روکن محمد سعید بەڕێوهبەری، هەماهەنگی و پەیوەندییەکانی وەزارەت ئامادەی بوون، هاوکارییەکانی سوپای ئەمهریکا بۆ هێزی پێشمەرگە و بەرنامە و پلانی داهاتووی هاوبەش و دوایين هەوڵەکانی وەزارەتی پێشمەرگە لە پرۆسەی ڕێکخستنەوەی یەکە و هێزە جیاوازەکانی پێشمەرگە خرایە بەر باس.
لە کۆتایيدا هەردوولا لەسەر هەماهەنگی و گرنگیدانی زیاتر بە پەیوەندییەکانی نێوان وەزارەتی پێشمەرگە و هێزەکانی ئەمهریکا و هێزی هاوپەیمانيی نێودەوڵەتی لە هەرێمی کوردستان کۆک بوون، بۆ بەئەنجامگەیاندنی کۆی پرۆسەی چاکسازی، کە وەزارەتی پێشمەرگە بە پاڵپشتيی تەواوی حکومەتی هەرێمی کوردستان و هاوکاريی تیمی ڕاوێژکارانی سەربازيی سوپای ئەمهریکا لەناو پرۆژەیاسای چاکسازی بۆ ڕێکخستنەوەی هێزەکان، کاری لەسەر دەکات.